நேற்று வான்கடேயில் நடைபெற்ற ஐபிஎல் 2026-ன் 33-வது போட்டியில் சஞ்சு சாம்சன் சிஎஸ்கேவுக்காக விளாசிய 54பந்து 101 ரன் காட்டடி இன்னிங்ஸின் ரன்களை மும்பை இந்தியன்ஸின் 11 வீரர்களும் சேர்ந்து 19 ஓவர்களில் எடுத்து 104 ரன்களுக்கு வீழ்ந்தது. ஒருவர் அடித்த ரன்களை மும்பையின் 11 வீரர்கள் சேர்ந்து எடுத்தது மும்பை இந்தியன்ஸின் ஐபிஎல் வரலாற்றில் மாபெரும் அடி.
இந்த வெற்றி சிஎஸ்கே அணியின் ஐபிஎல் தொடரின் மிகப்பெரிய வெற்றியாகும். அதே வேளையில் ஐபிஎல் வரலாற்றில் மும்பை இந்தியன்ஸின் ஆகப்பெரும் தோல்வியாகும். 2013-ல் ராஜஸ்தான் ராயல்ஸ் அணிக்கு எதிராக 87 ரன்களில் தோல்வி அடைந்த பிறகு மும்பை இந்தியன்ஸின் மாபெரும் அடிசறுக்கல் இதுவே.
அதே போல் சிஎஸ்கேவுக்கு எதிராக மும்பை இந்தியன்ஸ் எடுத்த 104 ரன்களுக்கு ஆல் அவுட் ஆனது, சிஎஸ்கேவுக்கு எதிராக ஆகக்குறைந்த ரன் எண்ணிக்கையாகும். மும்பை இந்தியன்ஸை 19 முறை சிஎஸ்கே வீழ்த்தி சிஎஸ்கே சாதனை புரிந்துள்ளது. பஞ்சாப் கிங்ஸ் மும்பை இந்தியன்ஸ் அணியை 18 முறை தோற்கடித்துள்ளது.
