சென்னை: சென்னையில் இன்று (ஏப்.20) 22 காரட் ஆபரணத் தங்கத்தின் விலை பவுனுக்கு ரூ.480 குறைந்துள்ளது. வெள்ளி விலை மாற்றமின்றி விற்பனையாகிறது.
இந்நிலையில், சென்னையில் இன்று 22 காரட் ஆபரணத் தங்கம் விலை கிராமுக்கு ரூ.60 குறைந்து ஒரு கிராம் ரூ.14,300-க்கும், பவுனுக்கு ரூ.480 குறைந்து ஒரு பவுன் ரூ.1,14,400-க்கும் விற்பனையாகிறது.
வெள்ளி விலை மாற்றமின்றி ஒரு கிராம் ரூ.280-க்கும், கட்டி வெள்ளி கிலோ ரூ.2,80,000-க்கும் விற்பனையாகிறது.
முன்னதாக, இந்த ஆண்டுக்கான அட்சய திருதியை நேற்று கொண்டாடப்பட்டது. அட்சய திருதியை நாளில் தங்கம் மற்றும் வெள்ளி நகைகள் வாங்குவது பொதுமக்களின் வழக்கமாக உள்ளது.
இதையொட்டி, தமிழகம் முழுவதும் நகைக் கடைகளில் பொதுமக்கள் குவிந்தனர். இன்றும் அது தொடர்வதால் இண்றைக்கும் மக்கள் தங்கம், வெள்ளி வாங்க ஆர்வம் காட்டுவார்கள் என்று எதிர்பார்க்கப்படுகிறது.
